Faq

Bei enger Immobilienuschafung musst Dir déi folgend dräi Posten berécksiichtegen fir Äre Präis mat allen enthalene Käschten ze rechnen :

D’TVA (aktuell 17% oder 3%) :

D’TVA gëtt nëmmen op d’Konstruktiounskäschten ugewannt.

Il y a aujourd’hui deux taux de TVA en application au Grand-Duché du Luxembourg :

• 17% wann d’Eenheet fir professionell Zwecker oder als Zweetresidenz genotzt gëtt ;
• 3% wann d’Eenheet als Haaptwunnsëtz vum Besëtzer selwer fir eng Dauer vu minimum 2 Joer genotzt gëtt.

Notärskäschten :

D’Notärskäschte ginn Basis vun Tabelle berechent, déi vum Lëtzebuerger Staat opgestallt ginn. Den Notär mécht seng eng Freed fir Iech de Betrag op einfach Ufro matzedeelen.

Droits d’enregistrement :

Am Groussherzogtum Lëtzebuerg sinn d’Steieren um Kaf vun engem Gebai 7% (proportionalen Droit d’enregistrement vu 6% + Iwwerdroungsrecht vun 1%)v um Wäert vun der Immobilie.

Allerdéngs kënnen dës Droits d’enregistrement variéieren a Funktioun vu méi Kritären:

• De Keefer, deen a Lëtzebuerg wunnt a virgesäit selwer an der Immobilie ze wunnen, profitéiert vun enger Androung zu engem Pauschaltaux vun 100,00 €, wann d’Droits d’enregistrement, an zwar 7% gerechent op de Betrag vum Terrain a vun den eventuell ausgefouerte Konstruktiounen, den accordéierte Steiercredit (de Fräibetrag) vun 20.000,00 € pro Persoun net iwwerschreit.
• De Keefer, deen net a Lëtzebuerg wunnt a virgesäit selwer an der Immobilie ze wunnen muss déi wéi hei uewen driwwer gerechent Droits d’enregistrement virstrecken, mee ka se awer nodréiglech zréckkréien, andeems en eng Wunnbescheinegung beim Notär ofgëtt, datt hien tatsächlech an der Immobilie wunnt, déi hie kaaft huet.
• De Keefer, deen am Verkafsacte ugëtt, datt hien d’Immobilie keeft fir se kuerzfrosteg erëm ze verkafen huet d’Recht op eng deelweis Réckerstattung vum Droits d’enregistrement. Tatsächlech am Fall vum Weiderverkaf geet den ursprénglechen Droit d’enregistrement vu 6% op 7,2% erop (duerch d’Derbäifüge vun engem Steierzouschlag vun 1,2%). D’Iwwerdroungsrecht bleift ongeännert bei 1%. Déi fälleg Droits d’enregistrement um Immobiliekaf sinn also, am Fall vun engem Wiederverkaf, bei 8,2% (proportionalen Droit d’enregistrement vu 7,2% + Iwwerdroungsrecht 1%). Dogéint ass de Betrag vun der Réckerstattung bei 6% wann de Verkafsacte bannent 2 Joer vum éischte Verkaf enregistréiert gëtt a bei 4,8% wann de Verkafsacte no zwee Joer a viru véier Joer nom éischte Verkaf enregistréiert gëtt.

Uschlëss :

Et muss een och d’Uschlësskäschte vun de verschiddene Verdeelerfirmen mat aberechnen, wéi Elektrizitéit, Waasser, Fernseh, asw …

Zu Informatiounszwwecker berechne sech dës Uschlësskäschten op +/- 2.000 € HTVA pro Eenheet. Et handelt sech hei ëm eng onverbindlech Schätzung baséiert op eise fréiere Projeten an déi sech a Funktioun mat de Maartpräisser verännere kann.

Dee grousse Virdeel vun engem Kaf, deen eréischt an Zukunft fäerdeggestallt gëtt, ass datt Dir d’Bannenariichtung no Äre Bedierfnesser upasse kënnt, ënner Virbehalt natierlech vun den techneschen an administrative Méiglechkeeten.

E Buedzëmmer méi grouss maache fir eng Bidden z’installéieren, den Ofstellraum méi kleng maachen fir Plaz a, Wunnzëmmer ze gewanne si Méiglechkeeten, déi Iech ugebuede ginn wann Dir um Plang kaaft.

Eise Verkafspräis enthält am Leeschtunsgverzeechnes e ganz perfekt beschriwwenen Ensemble, deen eise Beroder Iech gi wäert. Et ass zum Beispill e Pauschalbetrag virgesinn fir eng komplett Sanitärariichtung, d’elektresch Installatiounen, d’Heizung, d’Plättercher an d’Dieren, sou wéi am Leeschtungsverzeechnes definéiert. D’elektresch Installatiounen an d’Heizkierper gi mam Averständnes vum Keefer placéiert.

D’Miwwel an d’Kichen, déi op de Pläng erschéngen, sinn aus informativen Zwecker uginn, awer si sinn net am Verkafspräis abegraff.

D’Konstruktioun vun der Residenz « Les Jardins de Heinerscheid, 58 » wäerten ufänke soubal 60% vum Virverkaf erreecht sinn.

D‘Appartementer si spéitstens 280 Wierkdeeg nom Ufank vun der Konstruktioun verfügbar.

De Verkafspräis, deen am Verkafsacte uginn ass, ass fest an definitiv.

Am Fall vu Froe fir Verännerungen an/oder Supplemente vum Keefer no der Ënnerzeechnung vum Verkafsacte, kritt hien an Devis fir zouzestëmmen ier d’Aarbechten, déi hien ugefrot huet, ausgefouert ginn.

De Verkafspräis vun den Appartementer enthält :

• 1 einfach Parkplaz banne fir Appartementer mat 2 Schlofkummeren.
• 1 duebel Parkplaz bannen an 1 Keller fir d’Appartementer-Duplex mat 3 Schlofkummeren.

Einfach Parkplaze bannen, e Box an zousätzlech Kellere ginn als Optioun ugebueden.

• Etapp 1 : Ënnerschreiwe vum Reservatiounskontrakt
  Beim Ënnerschreiwe vum Reservatiounskontrakt gëtt en Akont vun 2% vum Verkafspräis op de Kont vum Notär iwwerwisen a bleift do blockéiert bis bei de Verkafsacte.
• Etapp 2 : Ënnerschreiwe vum Verkafsacte
  Op Invitatioun vum Promoteur oder vum Notär gëtt de Verkafsacte beim Notär ënnerschriwwen. Vun dësem Moment u sinn d’Undeeler vum Terrain an d’Deeler vun der Konstruktioun, déi schonn ausgefouert sinn, ze bezuelen, sou wéi d’Käschten, déi dermat verbonne sinn (Droits d’enregistrement, TVA an den Honorar vum Notär), ofgerechent gëtt den Akont dee beim Reservatiounskontrakt iwwerwise gouf.
• Etapp 3 : No an no, nom Virukomme vun der Baustell musse Konstruktiounstranchen no der folgender Bezueltabell iwwerwise ginn :
  • 10 % bei Fäerdegstellung vun de Fondatiounen an der Buedemdall;
  • 10% bei Fäerdegstellung vun der Kellerdall;
  • 10% bei Fäerdegstellung vun der Dall vum Rez-de-chaussée ;
  • 10% bei Fäerdegstellung vun der Dall vum éischte Stack;
  • 10% bei Fäerdegstellung vun der Dall vum zweete Stack;
  • 10% bei den Daachaarbechten;
  • 10% bei de Bausse-Schräineraarbechten;
  • 10% bei de Plafonsaarbechten;
  • 10% bei Fäerdegstellung vun de Chappen;
  • 5% bei Fäerdegstellung vun der Banneschräinerei;
  • 5% bei der provisorescher Receptioun;

De Keeferschutz ass total. Eng Fäerdegstellungsgaranti gläich mat 100% vum Wäert vun der verkaaftener Immobilie gëtt vun enger Bank op der Lëtzebuerger Finanzplaz garantéiert. Dës garantéiert Iech datt d’Gebai, wat och geschitt, an den Delaie gebaut gëtt an nom ausgestallte Leeschtungsverzeechnes. Um Moment vum Ënnerschreiwe vum Acte kritt de Keefer eng Kopie vun der Sécherheetsleeschtung vum Konstrukteur. Dës Garanti erläscht bei der Receptioun. Si deckt d’Gesamtheet vun den Aarbechten.

All Iwwerschreide vum Delai zitt schwéier Strofe fir den Entreprener mat sech. De vereinbarte Präis ass onëmstéisslech an d’Gesamtheet vun den Aarbechten ass genau am Leeschtungsverzeechnes definéiert , dat beim Reservatiounskontrakt an am Basisacte bäigefüügt ass.

Eng provisoresch Receptioun gëtt um Enn vun der Baustell organiséiert an eng definitiv Receptioun ee Joer no der Liwwerung fir all Konstruktiounsfeeler ze behiewen. Soulaang net alles perfekt ass, bleift eng Zomm als Reserve blockéiert (Bankgaranti).

Gewosst si soll och datt eng zéngjäreg Garanti bestoe bleift fir all eventuel Stabilitéitsproblemer vum Gebai ofdeckt, déi an deenen 10 Joer nom Bau optriede kënnen.

D’Chargë vun der Coproprietéit enthalen déi folgend Ausgaben:

• den Entretien vun de Gemeinschaftsflächen an d’Zoufaarten, souwéi d’Schnéischëppen;
• kleng Waartungsaarbechten ;
• d’Honorare vum Syndic ;
• Heizung, Elektresch, Waasser vun de Gemeinschaftsflächen ;
• Den Entretien an d’Funktiounskäschte vum Lift;
• d’Gemengentaxen ;
• d’Feierversécherung vum Gebai ;
• déi grouss Aarbechten, déi eventuell vun der Haaptversammlung budgetiséiert ginn;
• Bankkäschten ;
• Eventuell, d’Bedeelegung um Reservefond (d’Opstellung vum Reservefond gëtt zesumme vun der Coprietéit entscheet) ;
• divers Käschten.

Am Basisacte vum Gebai sinn Undeeler, déi Dausendstel genannt ginn (millièmes), definitiv fir all Appartement, Keller a Parkplaz fixéiert. Dës Aarbecht gëtt vum Kadasteramt (Administration du cadastre et de la topographie) ausgefouert.

All Mount gëtt Iech eng Provisioun u Coporietéitschargë gefrot a Funktioun zu de Millièmë vun Ärem Appartement (de Keller an d’Parkplaz(en) abegraff). Dës Provisioun gëtt um Enn vum Joer regulariséiert a Funktioun vun Äre wierklechen Ausgaben. Ausserdem kann eng Reservezomm (le fonds de réserve) opgebaut ginn als Viraussicht op zukünfteg grouss Ausgaben.

Ausser dem Honoar vum Syndic handelt et sech ëm Käschten déi all Immobiliebesëtzer normal bezilt. Den Ënnerscheed ass, datt se sech hei zesummen veflicht hunn an dann herno op de Prorata vun all Coproprietaire gedeelt gëtt. Dëst ass alles ganz genau am Basisacte vun der Coproprietéit organiséiert, wou Dir all déi néideg Informatioune fannt.

Mir weisen Iech hei eng Schätzung vu verschiddene méintleche Käschte vun der Coproprietéit (ausser déi individuell Stroum-, Heizungs- an Telekommunikatiounskäschten) fir en Appartement vun 90 m². Vergiesst net datt et sech ëm eng Schätzung handelt an datt all Fall anescht ass a staark vun der Verwaltung vun der Coproprietéit ofhänkt.

Schätzung vun de lafende Käschte fir en Appartement vun 90 m² :

D’Schalldämmung am Gebai hänkt engersäits vun der Qualitéit vum Material an der Ëmsetzung vun den Techniken of, an anerersäits vun der gudder Organisatioun vun den Zëmmeren.

Mir passe ganz besonnesch op d’Schalldämpfung an eise Residenzen op. Dowéinst hu mir d’Gebai mat duebelen Trennungsmaueren tëscht den Eenheeten an de schwammende Chappen entworf. Dir fannt eng komplett Beschreiwung vun all dësen Elementer an eisem Leeschtungsverzeechnes.

Och de Lift an d’Lafgäng, déi zu de Gemeinschaftsflächen zielen, minimiséieren efficace d’Kaméidisbelästegung an den Nohall duerch d’Beweegunge vun den Noperen a Gäscht.

An engem gutt entworfene a gutt gebautene Gebai ass d’Kaméidisbelästegung limitéiert. Berécksiichtegt awer trotzdeem datt et sech ëm ee Gemeinschaftsgebai handelt an net ëm en isoléiert Haus!

Natierlech erfuerdert d’Liewen an enger Coproprietéit engersäits de Respekt vum Reglement vun der Coproprietéit an anerersäits e Liewen «en bon père de famille» wéi an enger individueller Wunneng.

All Coproprietéit gëtt vun engem professionnelle Syndic de copropriété verwalt. Bis bei déi éischt Haaptversammlung, déi um Enn vun der Baustell organsiéiert gëtt, iwwerhëlt Pierre & Nature dës Aarbecht. An der éischter Haaptversammlung an déi all Coproprietaire ageluede gëtt, gëtt en definitive Syndic gewielt. Virun dëser Haaptversammlung gëtt all Besëtzer invitéiert, wann hien dat wëll, een oder méi Syndic(en) vu senger Wiel ze proposéieren.

Zwee Faktore si wichteg fir eng gutt Investitioun:

• D’Qualitéit vun der Konstruktioun
• De Standuert vum Projet

E Qualitéitsgebai a gutt geleeën sinn e séchere Wäert !

Wat d’Qualitéit vum Gebai ugeet bezeit d’Leeschtungsverzeechnes vun der Qualitéit vum virgesinnene Konstruktiounsmaterial. D’Wiel vun engem efuerenen a bekannten Entreprener, souwéi dem Architekten– a Stabilitéitsbüro  vun exzellentem Ruff biergen och fir dës Qualitéit.     

Wat de Standuert ugeet läit d’Residenz « Les Jardins de Heinerscheid, 58 » matten am Zentrum vun Heinerscheid, geschätzt fir seng direkt Verbindungen a Richtung Lëtzebuerg-Stad, Belsch an Däitschland.

Kandidate fir ze loune bevirzugen ëmmer Projeten, déi gutt leien a si bezuele gär e bësse méi Loyer an deem Fall. Am Fall vum Weiderverkaf fënnt de Proprietaire séier e Keefer. Tatsächlech sinn esou schéi Plazen ëmmer selten a vill gesicht!

Pierre & Nature sinn dauernd op der Sich no enger Reduzéierung vun den «Notzungskäschten» vun den Immobilien, déi si entwerfen.

Déi Gemeinschaftsfläche bausse vun de Gebaier si genau esou haart Volumer fir ze hëtzen an z’ënenrhalen, och wa se nëmmen Duerchgäng sinn. Wann ee Gemeinschaftsfläche bausse virgesäit, gëtt e reellt Erspuernes an de Funktiounskäschte vum Gebai ëmmer festgestallt.

Ausserdem bréngen d’Lafweeër baussen e grousse Komfort fir d’Bewunner andeems se de Kaméidi an de Gemeinschaftsweeër minimiséieren.

En Notär gëtt vum Promoteur uginn an d’Verkafsacte gi bei him ënnerschriwwen. Hie schreift se, ënner anerem, de Basisacte, d’Reglement vun der Coproprietéit, d’Reservatiounskontrakter an Verkafsacten. Et ass och hien deen Iech den Dag vum Acte d’Fäerdegstellungsgaranti vun der Bank iwwergëtt. Hie steet zu Ärer vollster Verfügung fir Iech all zousätzlech Informatiounen ze liwweren, déi Dir braucht, well hie kennt de ganzen Dossier.

An, et steet Iech vollkomme fräi, ouni weider Käschten, Ären eegenen Notär ze wielen, deen Iech bäisteet an Iech bei Ärem Kaf beréit.

Äre Locataire muss sech integral un de Basisacte an un d’Reglement vun der Coproprietéit halen. De Besëtzer ass eleng verantwortlech vis-à-vis vun der Coproprietéit fir d’Bezuele vun de Chargen, mee, selbstverständlech wëll de Gebrauch datt hien den Haaptdeel vun dëse Chargen op säi Locataire ofgëtt. De Besëtzer bezilt also seng Undeeler vun der Feierversécherung, den Virausofzuch, eng eventuell Quot vum Reservefond, asw…

Vum Ufank vun der Baustell un mécht de Promoteur eng Wunnegsversécherung, déi all Feierschied deckt. Bei der éischter Haaptversammlung gëtt dëse Kontrakt op d’Coproprietéit iwwerdroen. Äert Gebai ass also dauernd verséchert an et muss keng zousätzlech Versécherung ofgeschloss ginn. Awer all Coproprietaire muss säin Inhalt an eventuell Erhéijunge vum Behälter versécheren( zum Beispill, wa Verbesserungsaarbechte a sengem Appartement duerchgefouert ginn) sou wéi wann hien et wënscht, aner Optiounen sou wéi Déifstall.